السلام عليكم ورحمة الله وتعالى وبركاته
اليوم حبيت نحطلكم اللازانيا للي طيبتها مع المقادير ممكن راكم تعرفوها مي حبيت نحطها للي ما يعرفهاش
المقادير:
نحضرو 12 صفيحة نتاع لازانيا (حسب حجم البلاطو اللي نديرو فيه )
نحضرو صلصة طماطم
نحضرو صلصة بيشاميل
نرحيو صدر دجاج او حسب حجم البلاطو المهم نرحيو الدجاج وندوزنوه بالثوم والملح والفلفل الاسود ونديروه يطيب مع شويا زيت وكي يطيب نقطعو فيه باقة نتاع كسبر
بدون ان ننسى الفرماج رابي او اي نوع حسب الذوق
كي نحضرو هاذو كامل نديرو اوراق اللازانيا يغليو في الماء والملح والزيت لمدة 8 دقائق وننزعوهم ونحطوهم يقطرو بشرط نفصل كل ورقة على اخرى لتفادي التصاقهم
نحطو كمية من صلصة الطماطم في اول البلاطو
نفرشو اوراق اللازانيا
وبعدها نحطو الدجاج المرحي
نحطو فوقو شويا من صلصة البيشاميل مع الفرماج
ومن بعد طبقة نتاع لازانيا فوقها طبقة صلصة طماطم حتان نكملو للاخير
وتكون اخر طبقة مكونة من لازانيا وفوقها فرماج رابي
وندخلوها للفرن على حرارة شويا مرتفعة
كي تطيب نقطعوها مربعات ونقدموها
وبصحتكم كامل
